Bıyl altynshy ret ótkeli jatqan forým ShYU men EAEO elderiniń memleket qaıratkerlerin, álemniń túkpir-túkpirinen jetekshi sarapshylar men kásipkerlerdi biriktirmek. 3 aqpan kúni forýmda jalpy júlde qory 180 000 $-dy quraıtyn «Industry 4.0 Startup Battle» úzdik ónerkásiptik startapty anyqtaıtyn aýqymdy saıys josparlanǵan. Sondaı-aq fınalıster is-shara seriktesterinen bonýs-syılyqtar alady.
Eske sala keteıik, Industry 4.0 Startup Battle alǵash ret 2023 jyly ótti. Bul ónerkásip jáne jer qoınaýyn paıdalaný kásiporyndarynda tájirıbe almasý múmkindigine ıe bolǵan ınnovasııalyq jobalar úshin naǵyz synaq boldy. Barlyq jobalarǵa Tech Garden tarapynan Fast Track usynyldy.
Jalpy, startaperlerden 59 ótinim qaraldy. Nátıjesinde 22.000 dolar júlde qoryn Isida Electronics (I oryn – 10.000 dollar), SmartView (II oryn – 7000 dollar ) jáne AgriMo (III oryn – 5000 dolar) qatysýshylary ıelendi.
Bıyl startaptar Digital Oil Field, ESG, Smart Mining baǵyttary boıynsha jarysady.
Aldaǵy saıysta Tech Garden jalpy júlde qoryn kóbeıtip qana qoımaı, sonymen qatar árbir startap jobaǵa seriktesterden qosymsha syıaqy alýǵa, óz bastamalaryn ónerkásip kásiporyndarynda ótkizýge jáne qundy tájirıbe men naqty nátıjege qol jetkizýge múmkindik beredi. Uıymdastyrýshylar battlǵa daıyndyqtyń ár kezeńinde qatysýshylardy qoldaıdy jáne birlesip juldyzdy pitch-deck jasaıdy.
Is-shara QR Sıfrlyq damý, ınnovasııalar jáne aeroǵarysh ónerkásibi mınıstrligi, QR Syrtqy ister mınıstrligi, QR О́nerkásip jáne qurylys mınıstrligi, Almaty qalasynyń ákimdigi, «Tech Garden ınnovasııalyq tehnologııalar parki» avtonomdy klasterlik qory, Most Ventures, «QazMunaıGaz» UK AQ, GVA Alatau, «SAS OEK» AQ, «Skolkovo» VK Cloud ınnovasııalyq ortalyǵy, Yandex Cloud, «Iteca» JShS qazaqstandyq kórme kompanııasy, «KAZPETROL GROUP» JShS, Teńizshevroıl, «KAZ Minerals Management» JShS, «XFinity Solutions» JShS-niń qoldaýymen ótedi.
Digital Almaty - sıfrlyq kún tártibin, sıfrlyq transformasııanyń jańa strategııalaryn jáne sıfrlyq tehnologııalar salasyndaǵy trendterdi talqylaýǵa arnalǵan dástúrli dıalog alańy. Forým 2018 jyldan beri bes ret ótkizildi.
«Digital Almaty-2024» uıymdastyrýshylary: QR Sıfrlyq damý, ınnovasııalar jáne aeroǵarysh ónerkásibi mınıstrligi, QR Syrtqy ister mınıstrligi, Almaty qalasynyń ákimdigi jáne Tech Garden.
